Քեոպսի բուրգը փակում են վերականգնման համար
Գիտություն և Մշակույթ
Աշխարհի հնագույն կառույցներից մեկը՝ Քեոպսի բուրգը, փակվում է վերականգնման համար: Եգիպտոսի մշակութային ժառանգության պահպանման մասնագետները երկրի հնությունների գործերի նախարարության ներկայացուցիչների հետ համատեղ իրադրության հանգամանալից վերլուծությունից հետո հանգել են այն եզրակացության, որ բուրգն շտապ «նորոգման» կարիք ունի, տեղեկացնում է «Արմենպրես»-ը:
Այս որոշման պատճառ են ծառայել, գլխավորապես, հիշատակի բազմաթիվ մակագրությունները, որոնցով օտարերկրացի զբոսաշրջիկները գրոտել են հնության հուշարձանը: Հնադարյան քարերի վրա թողնված անուններից կարելի է դատել եգիպտական զբոսաշրջության լայն աշխարհագրության մասին. այստեղ նշումներ են կատարել մարդիկ գրեթե ամբողջ աշխարհից:
ՏԱՍՍ-ը նշում է, որ, բացի արտաքին ճակատի վերականգնողական աշխատանքներից, քիչ բան չպետք է արվի նաև բուրգի ներսում. մասնագետները պլանավորում են լիովին փոխել արտաքին և ներքին լուսավորման համակարգը՝ միջազգային ստանդարտներին համապատասխան:
Վերջին անգամ Քեոպսի բուրգը վերականգնել են 15 տարի առաջ:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
