ԱՄՆ-ի նախագահի նոր ինքնաթիռը կդառնա Boeing 747-8-ը

ԱՄՆ-ի նախագահի նոր ինքնաթիռը կդառնա Boeing 747-8-ը: Այս մասին, ինչպես տեղեկացնում է «Արմենպրես»-ը, ասված է ռազմաօդային ուժերի նախարար Դեբորա Լի Ջեյմսի հայտարարության մեջ:

«Նախագահական ինքնաթիռն ԱՄՆ-ի, ինչպես նաև նախագահի դիվանատան ամենանկատելի խորհրդանշաններից մեկն է: Boeing 747-8-ը երկրում արտադրվող իքնաթիռներից միակն է, որը լիովին համապատասխանում է դրան և այն բոլոր պահանջներին, որոնց կատարումն անհրաժեշտ է պետության ղեկավարի աշխատանքի ապահովման համար»,- ասել է Ջեյմսը:

Ռազմաօդային ուժերի նախարարը, մասնավորապես, նշել է չորս շարժիչների և լայն ֆյուզելաժի առկայությունը:

ՏԱՍՍ-ի հաղորդմամբ՝ «թիվ մեկ ինքնաթիռ» դառնալու մրցույթին նաև մասնակցել է Airbus ընկերության A380 հանրանավը, որը հավաքում են Ֆրանսիայում: Ինքնաթիռի գնման վերջնական գինն առայժմ որոշված չէ, քանի որ զինվորականները դեռ պետք է Boeing-ի հետ քննարկեն մի շարք տեխնիկական մանրամասներ:

Այժմ Սպիտակ տան ղեկավարն օգտագործում է Boring 747 ինքնաթիռը, որն ունի VC-25 նշանը: