Սերիալների անընդհատ դիտումը գիտնականները բացատրել են դեպրեսիայով և մենակությամբ

Օստինի Տեխասի համալսարանը հրապարակել է հեռուստասերիալների անընդհատ դիտման (այսպես կոչված binge-watching-ի) պատճառների հետազոտության արդյունքները: Գիտնականները կապ են գտել անընդմեջ մի քանի սերիաներ դիտելու ցանկության և դեպրեսիայի ու միայնակության միջև, հաղորդում է «Արմենպրես»-ը՝ հղում անելով Variety-ին:

«Թեև շատերը պնդում են, թե ամբողջությամբ սերիալը կլանելու սովորության մեջ ահավոր ոչինչ չկա, մեր հետազոտությունը ցույց է տվել, որ հասարակությունը պետք է վերագնահատի անընդմեջ դիտման ֆենոմենը»,- ասել հետազոտության հեղինակ Սուն Յոն հին:

Հետազոտությանը մասնակցել են 18-ից մինչև 29 տարեկան 300 կամավորներ: Դրա արդյունքներով գիտնականներին հաջողվել է նաև կապ գտնել մի քանի սերիաներ անընդմեջ դիտելու և գերհոգնածության, ճարպակալման ու ինքնավերահսկողության պակասի միջև: