Վ. Սարգսյանի անվան ռազմական ինստիտուտում պաշտոնականություններ կլինեն նաև պետի տեղակալների մակարդակով

ՀՀ պաշտպանության նախարարի խորհրդական, նախարարին առընթեր հասարակական խորհրդի նախագահ Գեղամ Հարությունյանը վստահ է, որ նոր պաշտոնանկություններ կլինեն Երևանի Վազգեն Սարգսյանի անվան ռազմական ինստիտուտի 19-ամյա զինծառայողի դաժան սպանության դեպքի առնչությամբ: «Վազգեն Սարգսյանի անվան ռազմական ինստիտուտում տեղի ունեցած դեպքը միջանձնային հարաբերությունների հողի վրա տեղի ունեցած հանցագործություն է: Ցավոք սրտի, այս խնդիրը կա, և բանակի ներսում ընկալվում է որպես մարտահրավեր' ուղղված կարգապահությանը, մարդու կյանքի և արժանապատվության պաշտպանության խնդիրներին: Պատահական չէ, որ պաշտպանության նախարարը 2013 և 2014 թվականների տարեմուտին նման մտահգություն առաջ քաշեց, և 2014-ի հիմնական նշանաբաններից ու ուղղություններից դարձրեց պայքարը փողոցային արատավոր բարքերի և բարձիթողության դեմ: Իհարկե, անուշադության արդյունք էր սա, և վկայում է, որ միջանձնային հարաբերությունների դաշտը չի կարելի վստահել զինվորներին կամ կուրսանտներին. անպայման պետք է լինի սպայական կազմի վերահսկուղությունը և ամենժամյա չթուլացող ուշադրությունը»,- «Արմենպրես»-ի հաղորդմամբˋ լրագրողների հետ հանդիպմանը նշեց Հարությունյանը:

Ըստ նրաˋ նման արատավոր երևույթները բանակի կողմից հաղթահարվում են, սակայն վերջնական հաղթանակի բանակը դեռ չի կարողանում հասնել: «Պաշտոնականություններ կլինեն ինստիտուոտի պետի տեղակալների մակարդակով: Շուտով կհրապարակվի նաև պաշտպանության նախարարի համապատասխան հրամանըˋ ծառայողական քննության արդյունքների հիման վրա: Սակայն միայն կադրային փոփություններով խնդիրները չեն լուծվի, և չի սահմանափակվի արձագանքն այս գործին: Լուրջ հետևություններ կարվեն ուսումնադաստիրակչական ամբողջ գործըթացի վերաբերյալ»,- հա վաստիացրեց պաշտպանության նախարարի խորհրդականը:

Փետրվարի 2-ին Նախագահ Սերժ Սարգսյանը հրամանագիր էր ստորագրել գեներալ-լեյտենանտ Մարտին Նազարի Կարապետյանին Հայաստանի Հանրապետության պաշտպանության նախարարության Վազգեն Սարգսյանի անվան ռազմական ինստիտուտի պետի պաշտոնից ազատելու մասին: