«Ինձանից գաղտնի վատ ելույթ չունենաք». Գագիկ Բեգլարյանը հորդորեց բողոքող տաքսու վարորդներին (տեսանյութ)
Հասարակություն
Այսօր ՀՀ կառավարության շենքի մոտ էին հավաքվել մի խումբ տաքսու վարորդներ, ովքեր դժգոհում էին լիցենզավորման նոր կարգից:
ՀՀ տրանսպորտի և կապի նախարար Գագիկ Բեգլարյանը հանդիպեց բողոքող քաղաքացիների հետ և բոլորի հարցերին մեկ առ մեկ պատասխանեց: Նախարարը չմասնակցեց կառավարության այսօրվա նիստին և մնաց շենքի դիմաց այնքան ժամանակ, մինչև բոլոր վարորդները հեռանային:
Ըստ Բեգլարյանի՝ օրենքը շատ լավն է, և ինքը զարմանում է, թե ինչու են այդ մի քանի վարորդները բողոքում օրենքից և կասեցում պահանջում:
Նա նաև դիմելով քաղաքացիներին՝ ասաց.
«Ինչ խոսեցինք, բոլորը լսեցին, ինձանից հետո, երբ ես գնամ, ինձանից գաղտնի վատ ելույթ չունենաք, որովհետև գալիս եք, հարցնում, պատասխանը լսում եք, հաջորդ օրը կայքերով նայում եմ՝ ձեզանից մեկը պատի տակ ընենց բաներ ա խոսում, չանեք էդպիսի բան: Ձեզ պահեք արժանապատիվ տաքսու վարորդների պես»:
ՈՒՂԻՂ ԵԹԵՐ
Ամենադիտված 
Պաշտոնանկություն՝ Նիկոլ Փաշինյանի որոշմամբ
