Պոլ Գոգենի թաիթյան կտավը դարձել է աշխարհում գեղանկարչության ամենաթանկ ստեղծագործությունը
Գիտություն և Մշակույթ
Իմպրեսիոնիստ Պոլ Գոգենի կտավը, որը պատկերում է թաիթացի երկու աղջկա, վաճառվել է մոտավորապես 300 միլիոն դոլարով՝ դառնալով աշխարհում գեղանկարչության ամենաթանկ ստեղծագործությունը, հաղորդում է «Արմենպրես»-ը՝ հղում անելով Եվրոպայի և ԱՄՆ-ի արվեստի շուկաների ինսայդերներին: "Nafea Faa Ipoipo (Ե՞րբ է հարսանիքը)" կտավը՝ թվագրված 1892 թվականով, գտնվում էր շվեյցարացի հավաքորդ Ռուդոլֆ Շտեխելինի մասնավոր հավաքածուում: Ինչպես նշում է ՌԻԱ Նովոստին, նկարի սեփականատերն ինքը հավաստել է այն վաճառելու փաստը, բայց հրաժարվել է հայտնել գործարքի գումարը:
Իրադրությանը ծանոթ երկու արտ-դիլերներ New York Times թերթին հայտնել են, որ Գոգենի նկարը վաճառվել է Qatar Museums կառույցին, որն զբաղվում է էմիրության թանգարանների համար արվեստի ստեղծագործությունների ձեռքբերմամբ: Bear Faxt նորությունների մասնագիտացված տեղեկագիրը հաղորդել է, որ դրա արժեքը կազմել է շուրջ 300 միլիոն դոլար, ինչը հավաստում են նաև այլ աղբյուրներ:
Ավելի վաղ աշխարհի ամենաթանկ նկարը համարվում էր Պոլ Սեզանի «Թուղթ խաղացողները»: Այդ կտավը 2012 թվականին նույնպես ձեռք է բերվել Քաթարի ազգային թանգարանի համար՝ 250 միլիոն դոլարով:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
