Հունաստանը Գերմանիայից ռազմական փոխհատուցում է պահանջում նացիստների հանցագործությունների դիմաց

Հունաստանը մտադիր է Գերմանիայից ռազմական տուգանք պահանջել այն վնասի դիմաց, որ Երկրորդ համաշխարհային պատերազմի ժամանակ պատճառել են նացիստները: Այս մասին գրում է Agence France-Presse-ը՝ վկայակոչելով Հունաստանի վարչապետ Ալեքսիս Ցիպրասին:

Խորհրդարանին ուղղված իր ուղերձում վարչապետը հայտարարել է, որ դա «բարոյական պարտք» է պատմության, հույն և եվրոպացի բոլոր ժողովուրդների առջև, ովքեր «պայքարել և արյուն են հեղել նացիզմի դեմ պայքարում»:

Նրա խոսքերով՝ Հունաստանի կողմից ռազմական տուգանքի ստացումը «պատմական պարտավորություն է»: