Մյանմայում տարածվող նոր տիպի մալարիան կարող է գլոբալ համաճարակ առաջացնել

Մյանմայում տարածվող նոր տիպի մալարիան արդի միջոցներով բուժման չի ենթարկվում և ապագայում կարող է գլոբալ համավարակության և միլիոնավոր զոհերի պատճառ դառնալ: Այդ մասին, ինչպես տեղեկացնում է «Արմենպրես»-ը, փետրվարի 20-ին հաղորդել է Bangkok Post թերթի ինտերնետ-տարբերակը՝ վկայակոչելով Օքսֆորդի և Թաիլանդի Արքայազն Մ ախիդոլի անվան համալսարանի գիտնականների համատեղ հետազոտությունը:

Մյանմայում մեծ արագությամբ ընդլայնվում է պլազմոդիումի՝ դրանով վարակված մոծակի կծելուց մալարիա առաջացնող մակաբույծի առանձնահատուկ տիպի տարածագոտին, մոծակ, որը ծագումնաբանական մակարդակում ձեռք է բերել մալարիայի ամենաարդիական միջոցին՝ արտեմիզինինին, լիովին դիմակայելու ունակություն:

Հետազոտության արդյունքներով, որը 2012 – 2014 թվականներին կատարվել է Օքսֆորդի համալսարանի և Թաիլանդի Արքայազն Մախիդոլի անվան համալսարանի համատեղ արշավախմի կողմից, Մյանմայում արտեմիզինինի նկատմամբ կայուն պլազմոդիումի տարածումն ընթանում է Հնդկաստանի հետ սահմանի ուղղությամբ և ներկայում մինչև սահմանը կտրել- անցնելը դրան մնացել է շուրջ 30 կիլոմետր:

«Ինչպես երևում է՝ մալարիայի պատմությունը կրկնվում է. 1950 – 70-ական թվականներին Կամբոջայից տարածվել է մի տեսակի պլազմոդիոմ, որը կայուն էր քլորխինինի՝ այն ժամանակ մալարիայի բուժման հիմական միջոցի նկատմամբ: Համաճարակն անցել է Հնդկաստանով և վերածվել գլոբալ համավարակության, որից մահացել են միլիոնավոր մարդիկ, ամենից շատ՝ Աֆրիկայում: Այժմ, միանգամայն հավանական է, նման համավարակություն է սկսվում Մյանմայում»,- ասված է թերթի հաղորդագրության մեջ, հաղորդել է ՌԻԱ Նովոստին: