Վրաստանի և Ուկրաինայի նախագահները հանդիպել են Կիևում
Աշխարհ
Ուկրաինայի նախագահ Պյոտր Պորոշենկոն հանդիպում է ունեցել Վրաստանի նախագահ Գեորգի Մարգվելաշվիլիի հետ, ով ժամանել է Ուկրաինա՝ Մայդանի իրադարձությունների տարելիցի կապակցությամբ Արժանապատվության երթին մասնակցելու համար: Այս մասին հայտնել է Грузия Online-ը:
Ուկրաինայի նախագահը նշել է, որ Արժանապատվության երթը ցուցադրել է ուկրաինացի ժողովրդի և եվրոպացի առաջնորդների միասնականությունը՝ ահաբեկչությունը հաղթահարելու հարցում:
Պորոշենկոն շնորհակալություն է հայտնել Մարգվելաշվիլիին Ուկրաինային աջակցելու համար: «Մենք շատ ուրախ ենք տեսնել ձեզ այսօր Կիևում: Վերջին երեք օրվա ընթացքում Արժանապատվության հեղափոխությունը տոնելու ընթացքում Կիևում շատ են եղել վրացական դրոշներ»,- ասել է Պորոշենկոն:
Վրաստանի նախագահն իր հիացմունքն է հայտնել երթի կապակցությամբ: «Մենք երջանիկ ենք տեսնել, թե որքան համախմբված է Ուկրաինան: Եվ ոչ միայն Ուկրաինան, այլև նրա բոլոր ընկերները համախմբվել են՝ աջակցելու այն արժեքներին, որոնց համար դուք այդքան համառ պայքարում եք: Յուրաքանչյուր վրացի այսօր Ուկրաինայի հետ է»,- ասել է Մարգվելաշվիլին:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
