Ուկրաինան և ԱՄԷ-ն Կիևին սպառազինություն մատակարարելու շուրջ համաձայնություն են ձեռք բերել

Ուկրաինայի նախագահ Պյոտր Պորոշենկոն հանդիպում է ունեցել Աբու Դաբի էմիրության թագաժառանգ արքայազն, Արաբական Միացյալ Էմիրությունների գերագույն գլխավոր հրամանատարի տեղակալ, գեներալ-գնդապետ Մուհամեդ բեն Զաիդ ալ- Նահայանի հետ: Այս մասին հայտնել է «Ինտերֆաքսը»՝ վկայակոչելով Ուկրաինայի ՆԳ նախարարի խորհրդական Անտոն Գերաշչենկոյին:

Հանդիպման ընթացքում ձեռք են բերվել համաձայնություններ Ուկրաինային սպառազինությունների և ռազմատեխնիկայի որոշակի տեսակների մատակարարման վերաբերյալ:

Խորհրդականն ասել է, որ զենքերի տեսակների և ծավալների մատակարարման մասին տեղեկությունները Facebook-ում հրապարակման ենթակա չեն:

Ուկրաինայի նախագահն ԱՄԷ-ում է գտնվում պաշտոնական այցով: