Օբամայի հովանավորների շրջանում զեղծարար է հայտնաբերվել. The Washington Post

Նյու Յորքի բնակչուհին, որը Բարաք Օբամայի նախընտրական քարոզչության համար 50 հազար դոլար է հավաքել, մեղադրվում է զեղծարարության մեջ, գրում է The Washington Post–ը։

Աբակա Ասոնգբան համարվում է Օբամայի նախընտրական ֆոնդի համար գումար հավաքող 400 կամավորներից մեկը, որի անձնական տվյալները տեղադրված են Օբամայի նախընտրական կայքում։

Ըստ WP–ի՝ ավելի վաղ Ասոնգբայի դեմ դատական հայց է ներկայացրել շվեյցարացի մի գործարար։ Վերջինս պնդել է, որ 2009–ին Ասոնգբան ներկայացել է որպես բանկային ծառաող և իրենից խաբեությամբ շորթել 657 հազար դոլար։

Հրապարակման մեջ նաև նշվում է Ասոնգբայի կատարած մյուս խարդախությունների մասին։ Վերջինս 2007–ին հիմնադրամ է ստեղծում, որն, ինչպես նշվում է, Բենինում զբաղվել է բարեգործական ծրագրերի իրականացմամբ։ Սակայն հիմնադրամի գործունեության մասին լրագրողներին չի հաջողվել որևէ տեղեկություն հավաքել։ Հայտնի է նաև, որ զեղծարարը 10 հազար դոլար է պարտք է բնակարանի վարաձավճարը չտալու պատճառով։ 

Օբաման համարվում է ԱՄՆ–ի նախագահական ընտրությունների միակ թեկնածուն, որը հրապարակել է այն մարդկանց տվյալները, որոնք կամավոր հիմուքներով իր նախաընտրական հիմնադրամի համար գումար են հավաքում։

Պարբերականը նաև նշում է, որ սա առաջին նման դեպքը չէ Օբամայի նախընտրական քարոզարշավի ընթացքում։ Փետրվարին հայտնի էր դարձել, որ Օբամայի նախընտրական շտաբը վերադարձնում է հիմնադրամին Մեքսիկա արտաքսված հանցագործի կողմից փոխանցված 200 հազար դոլարը։