Իրանական միջուկային ծրագրի շուրջ առաջիկա բանակցությունները դժվարին են լինելու. Իրանի նախագահ

Չնայած իրանական միջուկային ծրագրի շուրջ ապրիլի սկզբին Լոզանում ձեռք բերված մի շարք պայմանավորվածություններին, Թեհրանի եւ միջազգային միջնորդների «վեցյակի» առաջիկա բանակցությունները շատ դժվարին են լինելու համապարփակ համաձայնության հասնելու համար: Այդ մասին, ինչպես տեղեկացնում Է «Արմեն պրես»-ը, հայտարարել Է Իրանի նախագահ Հասան Ռուհանին:

Իրանը եւ «վեցյակը» ձգտում են մինչեւ 2015 թվականի հունիսի 30-ը վերջնական համապարփակ համաձայնության հասնել Թեհրանի միջուկային ծրագրի շուրջ:

«Լոզանի բանակցությունների ընթացքում մենք հասել ենք առանձին պայմանավորվածությունների, եւ նախքան համապարփակ համաձայնագրին հասնելը դեռ պետք Է շատ դժվարին ճանապարհ անցնենք»,- Իրանի խորհրդարանի անդամների հետ հանդիպմանը հայտարարել Է Ռոուհանին, որի խոսքը մեջբերում Է Press TV հեռուստաալիքը:

Ինչպես հաղորդել Է IRNA գործակալությունը, Ռոուհանին ձեռք բերված միջանկյալ պայմանավորվածություններն անվանել Է «մեծ քայլ»: Սակայն, նրա խոսքով՝ համապարփակ համաձայնագրի հասնելու համար բանակցությունների բոլոր կողմերը պարտավոր են կատարել իրենց ստանձնած պարտավորությունները:

Ավելի վաղ Իրանի գերագույն առաջնորդ այաթոլլա Ալի Խամենեին հայտարարել Է, որ Իրանի եւ միջազգային միջնորդների «վեցյակի» միջեւ Թեհրանի միջուկային ծրագրի շուրջ շրջանակային համաձայնագիրը չի երաշխավորում, որ վերջնական պայմանագիր կստորագրվի: Խամենեին նաեւ ասել Է, որ «իրանական միջուկային ծրագրի վերաբերյալ նախնական համաձայնագիրը իրավաբանական պարտավորություններ չի առաջացնի»: Բացի այդ, Իրանի գերագույն ղեկավարը նշել Է, որ «հիմնվելով նախորդ փորձի վրա՝ երբեք լավատեսորեն տրամադրված չի եղել ԱՄՆ-ի հետ բանակցությունների հարցում»:

Իր հերթին, Իրանի նախագահ Հասան Ռոուհանին հայտարարել Է, որ Իրանը միջուկային ծրագրի վերաբերյալ վերջնական համաձայնագիրը չի ստորագրի այնքան ժամանակ, քանի դեռ չեն չեղարկվել նրա դեմ սահմանված բոլոր պատժամիջոցները:

«Մենք ոչ մի համաձայնագիր չենք ստորագրի, եթե նույն օրը չհանվեն բոլոր պատժամիջոցները,- ընդգծել Է Ռոուհանին:- Մենք փոխշահավետ գործարք են ցանկանում միջուկային դոսյեի շուրջ բանակցությունների գործընթացում ներգրավված բոլոր կողմերի համար», հաղորդել Է ՌԻԱ Նովոստին: