Երևանում բողոքի ակցիաներն «արտաքին հրահանգով» են անցկացվել. Սլուցկի

ԱՊՀ երկրների, եվրասիական ինտեգրման և հայրենակիցների հետ կապերի հարցերով ՌԴ Պետդումայի հանձնաժողովի ղեկավար Լեոնիդ Սլուցկին կարծում է, որ Հայաստանում բողոքի ակցիայի կազմակերպիչներին հրահանգել են արտերկրից. փոխանցում է ՏԱՍՍ-ը:

«Կառչելով ոչ այդքան ծավալուն թվացող խնդիրներից սոցիալական ոլորտում՝ ընդդիմադիր կուսակցությունների ղեկավարները դուրս են բերել ցուցարարներին փողոց: Դրանում, ակնհայտորեն, ցավոք, իհարկե, նկատելի է արտաքին ցուցում: Ի սկզբանե այն քաղաքականացված է»,- ասել է Սլուցկին լրագրողներին՝ մեկնաբանելով Հայաստանում ստեղծված իրավիճակը:

«Ներկայիս կառավարությունն ունի բավարար ուժ և ազդեցություն հայ հասարակության մեջ «Մայդանը» կանխելու համար»,- հավելել է նա: