Բաղրամյան պողոտայում նստացույցը շարունակվում է. կան ձերբակալվածներ (ուղիղ միացում)

Բաղրամյան պողոտայում նստացույցը շարունակվում է.

02:01

Այս պահի դրությամբ Բաղրամյան պողոտայում իրավիճակը հանգիստ է: 

01:08

Ոստիկանապետը երդվել է, որ ուժ չեն կիրառի. Հովհաննես Մարգարյան

00:53

Մաշտոցի պողոտայի երթևեկությունը վերականգնված է:

00:50

Կան ձերբակալվածներ: Ոստիկանությունն ավելի ուշ հաղորդագրություն կտարածի:

00:42

Վլադիմիր Գասպարյանն ասաց, որ ոստիկանական ուժերի կենտրոնացնելը կապված է Մաշտոցի պողոտայի փակման հետ:

00:39

Լարված իրավիճակ ստեղծվեց մարդկանց և ոստիկանության միջև: Եղան մարդիկ, ովքեր շիշ նետեցին ոստիկանների ուղղությամբ, սակայն հավաքված հայտնի մարդիկ պատ կազմեցին ցուցարարների և ոստիկանության միջև և հոգևորականները շարական երգեցին, այդպես իրավիճակը հանդարտվեց:

00:37

Ոստիկանությունը գործողությունների է պատրաստվում: Ջրցան մեքենաների լույսերը վառվել են:

00:11

Ցուցարարների թիվը գնալով շատանում է: Մարդկանց բազմություն,ը այնքան է շատացել, որ հասել է Մաշտոցի պողոտա և փակել երթևեկությունը: Վալերի Օսիպյանը տեղեկացրեց, որ Ֆրանսիական հրապարակը պետք է ազատել:

23.35

Գյումրիում նույնպես նստացույց է: Ցուցարարներին հսկում են մեծաքանակ ոստիկաններ: Գյումրիում հորդառատ անձրև է:

22.31

Ցուցարարներին հայտարարվեց, որ քիչ առաջ տեղեկացրել են՝ աուդիտ է անցկացվելու, սակայն ցուցարարներն անբեկանելի են և չեն հեռանալու մինչև որոշումը չեղյալ չհամարվի: «Չենք քննարկում»,- վանկարկում են Բաղրամյան պողոտայում հավաքվածները: 

22.00

Բաղրամյան պողոտա բերվեց 100 մետր երկարությամբ դրոշ:

21.40

«Բիբին, դու մի բզբզա», «Ջրցանս ուտեք», «Պահանջում ենք Բաղրամյանի գրանցում»,  «Գները հակառակ համեմատական են ձեր մակարդակի հետ, Fuck the governement», «Վաճառվում է Բիբինը 7 դրամ», «Ղուրբան եղնիք բիբինիս», «Ջրել չկա, բռնել չկա», «Ձեր ճիշտը մեր ճշտին չի»: Ահա այսպիսի գրություններով պաստառներ են պարզել քաղաքացիները:

21.35

Բաղրամյան պողոտայում անջատեցին լույսերը: Ակտիվիստները կոչ արեցին չենթարկվել պրովոկացիաներին: Րոպեներ հետո լույսերը միացվեցին:

20.55

«Հաղթանակը մերն է, հաղթանակը մերն է»,- միաբերան բացականչում են քաղաքացիները:

20.40

Պատգամավորներ, շոու- բիզնեսյան աստղեր, հասարակական-քաղաքական գործիչներ Բաղրամյան պողոտայում են և պատ են կազմել ցուցարարների և ոստիկանների միջև:

20.30

Այս պահին Բաղրամյան պողոտայում են ոստիկանապետ Վլադիմիր Գասպարյանը, ոստիկանության զորքերի հրամանատար Լևոն Երանոսյանը, ինչպես նաև Երևանի ոստիկանապետ Աշոտ Կարապետյանը:

20.20

Մաշտոցի պողոտայի իրազեկման երթի մասնակիցները ևս միացիան նստացույցին: Այստեղ են ոստիկանության մի շարք բարձրաստիճան անձինք: Ջրցան մեքենան ևս մոտեցրին քաղաքացիներին:

20.14

Ոստիկանությունը նոր ուժեր մցրեց Բաղրամյան պողոտա: Մի քանի շարքով կարմիր բերետավորները շարվեցին,  ինչն էլ ոգևորություն առաջացրեց քաղաքացիների մոտ. «Հա´յա´ստա´ն» սկսեցին բացականչել քաղաքացիները:

19.40

Ակտիվիստները փակել են Մաշտոցի պողոտան, ինչն առաջացրել է Վալերի Օսիպյանի բարկությանը: Նա դիմեց ակտիվիստներին` պահանջելով բացել Մաշտոցի պողոտան:

19.30

Զգուշացում. Բաղրամյան պողոտայում ակտիվիստները դրամահավաք չեն կազմակերպում. չմասնակցեք որևէ «հանգանակության»:

19.00

Քաղաքացիների իրավագիտակցությունը բարձրացնելու նպատակով բաժանվեցին ՀՀ Սահմանադրության օրինակներ:

18.05

Բաղրամյան պողոտան բազմամարդ է: Ընդվզումը շարունակվում է ազգային ազատագրական և ժողվրդական երգերի ուղեկցությամբ:

17.00
Բաղրամյան պողոտայում նստացույցի մասնակիցներն այսօր իրենք են հավաքել աղբն ու տեղափոխել, քանի որ «Սանիտեք» ընկերությունը չի կատարել պայմանագրով նախատեսված իր պարտականությունը:

16.31

Երևանում կրկին հորդառատ անձրև է. հայտարարվեց, որ 18:00-ին ցուցարարները կհանդիպեն Ազատության հրապարակում:

15.50

Կնոջ և դստեր հետ Բաղրամյան պողոտայում է դերասան, հումորիստ Գարիկ Պապոյանը:

15.06

«Հայ երիտասարդների արդարացի պայքարը ցնցել է աշխարհը»: Բաղրամյան պողոտայում այս մասին հայտարարեց Աշուղ Ռազմար Սասունցին:

14.54

Ռուբեն Հախվերդյանը ևս Բաղրամյան պողոտայում էր:

14.35

Քիչ առաջ կրկին Բաղրամյան պողոտայում սադրիչ կանայք են հայտնվել: Նրանք վիրավորել են երիտասարդներին, երբ լրատվամիջոցները փորձել են ֆիքսել կանանց, ալ կարմիր մազերով կինը հարձակվել է լրագրողներից մեկի վրա և բղավել. «Մի նկարի, ա՛յ գեղացի» խոսքերով:

13.50

Բաղրամյան պողոտայում երգ-երաժշտությունը շարունակվում է, հնչում է «Կարմիր կակաչները»:

13.11

Երևանում տեղացող անձրևը չի խոչընդոտում ցուցարարներին. ակցիան շարունակվում է: Ցուցարարներից երկու աղջկա նույնիսկ թաց ասֆալտը չի խանգարում. փողոցի կենտրոնում՝ ասֆալտին նստած, նրանք վարունգ են վայելում: 

12.10

Երկու կին հրահրում են ցուցարարներին: Նրանք ակցիայի մասնակիցներին հորդորում էին ուժ կիրառել ոստիկանների նկատմամբ, քանի որ, ըստ նրանց, հակառակ պարագայում իրենք կպարտվեն: Ոստիկանությունն այժմ փնտրում է նրանց:

11.28

«... Բայց երանի, որ յուր ազգի ազատության կզոհվի...»

Բաղրամյան պողոտայում հնչում է ՀՀ հիմնը:

10.50

«Թող վարչապետը, Նազարյանն իրենց հայտարարություններն անեն, մենք դրանց ո՛չ լուրջ ենք վերաբերվում, ո՛չ հետևում ենք, ո՛չ ուշադրություն դարձնում: Մնալու ենք այստեղ՝ մինչև մեր պահանջը կատարվի: Ստացվում է, որ միայն նախագահի հետ ենք մեր պահանջները կապում, որովհետև ինքն ունի բազմաթիվ լիազորություններ ու ցանկացած պահի, միայն ցանկություն ունենալու դեպքում, մի քանի րոպեում հարցը կլուծվի»,- ասում է «Ոչ թալանին» նախաձեռնության անդամ Մաքսիմ Սարգսյանը:

09.43

Քաղաքացիական ակտիվիստ Վիլեն Գաբրիելյանը և Երևանի փոխոստիկանապետ Վալերի Օսիպյանը կարճատև բանավեճ ունեցան:

08.54

Բաղրամյան պողոտայում ուրախ մթնոլորտ է. դերասանուհի Անի Խաչիկյանը խաղ կազմակերպեց:

08.47

«Երկրի քաղաքացին երկրի գլխավոր գերագույն հրամանատարին պայմաններ չի առաջադրում»,- ասաց ոստիկանապետը:

08.24

Վլադիմիր Գասպարյանը Բաղրամյան պողոտայում է:

07.41

Լուսաբացին ցուցարարները սկսել են Բաղրամյան պողոտայի մաքրման աշխատանքները: