ԱՄՆ Կոնգրեսի Հանրապետական խմբակցության ղեկավարները Ռոմնիին աջակցելու հայտարարություն են արել. The Washington Post
Համաշխարհային Մամուլ
ԱՄՆ Կոնգրեսի երկու պալատների Հանրապետական խմբակցության առաջնորդները ապրիլ 17–ին Մասաչուսեթսի նախկին նահանգապետ, ԱՄՆ նախագահի հանրապետական թեկնածու Միթ Ռոմնիին աջակցելու հայտարարություն են արել, գրում է The Washington Post–ը։
Ինչպես հայտարարել է Ներկայացուցիչների պալատի խոսնակ Ջոն Բեյները, «ակնհայտ է, որ Ռոմնին է լինելու մեր թեկնածուն»։ Բեյները հայտարարել է, որ հպարտանում է նրանով, որ կարող է աջակցել Մասաչուսեթսի նախկին նահանգապետին, և խոստացել է անել հնարավոր ամեն ինչ նրա հաղթանակը նախագահական ընտրություններում ապահովելու համար։
Բեյների հայտարարությունից մի քանի ժամ անց, ի պաշտպանություն Ռոմնիի հանդես է եկել Սենատի Հանրապետական փոքրամասնության առաջնորդ Միթչ Մաքքոնելը։ Նա ընդգծել է, որ այժմ, որ հանրապետական կուսակցությունը «Ռոմնիի շուրջ միավորվելու ընթացքի մեջ է գտնվում»։
Այս պահին Ռոմնին ԱՄՆ նախագահի հանրապետական թեկնածուների մրցավազքում առաջատարն է։ Մասաչուսեթսի նախկին նահանգապետը հաղթանակ է տարել 18 նահանգներում անցկացված պրայմերիզների ժամանակ։
Ինչպես հաղորդել է CNN-ը, Ռոմնին արդեն ստացել է 1144 պատվիրակներից 651–ի աջակցությունը։ Նրա մրցակիցներ՝ Ներկայացուցիչների պալատի նախկին խոսնակ Նյուտ Գինգրիչը և կոնգրեսական Ռոն Փոլը փրայմերիզների ժամանակ համապտասխանաբար ստացել են 138 և 71 պատվիրակների աջակցությունը։
ԱՄՆ նախագահական ընտրությունները կանցկացվի նոյեմբերի 6-ին։ Դեմոկրատական կուսակցության թեկնածուն գործող նախագահ Բարաք Օբաման է։
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
