Ֆրանսիացիների մեծ մասը երկրորդ փուլում Օլանդին աջակցելու ցանկություն է հայտնել

Ֆրանսիայում նախագահական ընտրությունների առաջին փուլի ավարտից հետո իրականացված հարցումների հրապարակված արդյունքներով ֆրանսիացիների մեծ մասն ընտրությունների երկրորդ փուլում մտադիր է իր ձայնը տալ սոցիալիստ թեկնածու Ֆրանսուա Օլանդին։

Համաձայն Le Parisien պարբերականի անցկացրած հարցման արդյունքների, հարցվածների 53%–ը պատասխանել է, որ եթե ընտրությունների երկրորդ փուլը տեղի ունենար այս կիրակի, ապա իրենք կքվեարկեին Օլանդի օգտին, իսկ 47%–ը՝ Սարկոզիի օգտին։ 

Թերթը նշում է, որ նման արդյունքները վկայում են այն մասին, որ Նիկոլա Սարկոզին զգալիորեն զիջում է դիրքերը Օլանդին։ Ապրիլի 18-19–ին անցկացված մեկ այլ հարցման համաձայն, գործող նախագահի օգտին երկրորդ փուլում պատրաստ են քվեարկել հարցվածների 43%–ը, իսկ Հոլանդի օգտին՝ 57%–ը։   

Harris Interactive ընկերության կողմից անցկացված հարցման համաձայն, Ֆրանսուա Օլանդի օգտին ներկա պահին պատրաստ են քվեարկել ֆրասիացիների 54%–ը, իսկ Նիկոլա Սարկոզիի օգտին՝ 46%–ը։