Բեռլինի 66-րդ կինոփառատոնի ժյուրին կգլխավորի Մերիլ Սթրիփը

Ամերիկացի դերասանուհի Մերիլ Սթրիփը կգլխավոր Բեռլինի 66-րդ կինոփառատոնի (Բեռլինալե) ժյուրին: 

Կինոաստղն առաջին անգամ է դառնալու փառատոնի ժյուրիի ղեկավար: Անցյալում նա մի քանի անգամ հայտնվել է Բեռլինալեում, բայց միշտ որպես մրցույթի մասնակից: 2012 թվականին Սթրիփը պատվավոր «Ոսկե արջ» է ստացել կինեմատոգրաֆում ունեցած ակնառու ավանդի համար:

«Ինձ համար ուրախալի է փառատոն վերադառնալ ցանկացած կարգավիճակով, բայց ես առանձնակի անհամբերությամբ եմ սպասում ժյուրիի կազմում աշխատելուն: Ես շատ շնորհակալ եմ իմ նկատմամբ ցուցաբերված պատվի համար»,-հայտարարել է կինոաստղը:

Սթրիփը համարվում է Ամերիկայի ամենապահանջված դերասանուհիներից մեկը: Նա դարձել է «Օսկար»-ի եռակի մրցանակակիր եւ 19 անգամ՝ անվանակարգորդ: Նա նաեւ ստացել է ութ «Ոսկե գլոբուս» եւ 20 անգամ անվանակագրվել է մրցանակի համար: Սթրիփը նկարահանվել Է բազմաթիվ ֆիլմերում, ներառյալ «Եղնիկների որսորդը», «Քրամերն ընդդեմ Քրամերի», «Սոֆիի ընտրությունը», «Ֆրանսիացի լեյտենանտի կինը», «Մահը նրան սազում է», «Մեդիսոն օկրուգի կամուրջները», «Երկաթյա լեդին» եւ ուրիշներ:

66-րդ Բեռլինալեն կանցկացվի Գերմանիայի մայրաքաղաքում՝ 2016 թվականի փետրվարի 11-ից մինչեւ 22-ը, հաղորդել է «Ինտերֆաքս»-ը: