Սմարթֆոնն ահաբեկչության ժամանակ փրկել է Փարիզի բնակչի կյանքը

Հեռախոսը փրկել է Փարիզի բնակիչին՝ ահաբեկչությունների ժամանակ: Այս մասին հաղորդում է Daily Mail-ը:

Սիլվեսթեր անունով երիտասարդը եղել է Stade de France մարզադաշտի մոտ: Դրանից ոչ հեռու մահապարտը պայթեցրել է ինքն իրեն, իսկ բեկորներից մեկը հարվածել է սմարթֆոնին:

«Պայթած ռումբի բեկորներից մեկը հարվածել է հեռախոսին, որը եղել է բաճկոնիս գրպանում: Սմարթֆոնը փրկեց իմ կյանքը: Դա իսկական հրաշք է»,- ասել է երիտասարդը:

Բջջային հեռախոսի շնորհիվ նվազել է թռչող բեկորի արագությունը, ինչի արդյունքում Սիլվեսթերը թեթև վնասվածքներ է ստացել: