Փարիզում ահաբեկչությունների երկու մասնակիցները 15 և 18 տարեկան են եղել. ԶԼՄ-ներ
Աշխարհ
Ֆրանսիայի մայրաքաղաքում նոյեմբերի 13-ի լույս 14-ի գիշերը տեղի ունեցած ահաբեկչություններին մասնակցել է երկու դեռահաս: Երիտասարդները 15-ից 18 տարեկան են եղել: Այն մասին հաղորդում է Europe 1 ռադիոկայան-ը՝ հղում անելով դատաբժշկական փորձաքննության արդյունքներին ծանոթ աղբյուրին:
Նշվում է, որ տվյալ տեղեկատվությունը պաշտոնապես չի հաստատվել:
Ավելի վաղ, Փարիզի «Բատակլանի» ահաբեկչության ականատեսները պատմել են, որ համերգասրահի վրա հարձակում գործած ծայրահեղականները շատ երիտասարդ են եղել և մաքուր ֆրանսերենով էին խոսում:
Ահաբեկչությունների հետաքննության ընթացքում պարզվել է, որ ահաբեկիչներից մեկը 30-ամյա ֆրանսիացի է, որը նախկինում դատվել է, սակայն «Իսլամական պետության» կողմանկիցների ցուցակում չի եղել:
Ֆրանսիայի մայրաքաղաքում տեղի ունեցած ահաբեկչությունների զոհ է դարձել 129 մարդ: Ահաբեկիչների հարձակման հետևանքով վիրավորվել է ավելի քան 200 մարդ: Հաղորդվում էր, արմատականների պատճառով տուժել է 12 պետությունների քաղաքացի:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
