«Բատակլանի» պատանդներից մեկը կիսվել է ապրումներով (լուսանկար)

22-ամյա ֆրանսուհի Իզաբել Բովերին «Բատակլան» թատրոնի գրոհից հետո ողջ մնացած սակավաթիվ մարդկանից է, ով ամբողջ աշխարհին անկեղծ ուղերձ է հղել, որում կոչ է արել հավատալ մարդկանց և ավելի լավը դառնալ: Ապրումներով Իզաբելը կիսվել է Facebook-ի իր էջում:

«Անցյալ գիշեր, շատ մարդկանց կյանքը փոխվել է ընդմիշտ, և հիմա մենք պարտավոր ենք ավելի լավ մարդ լինել, քան եղել ենք նախկինում: Հանուն անմեղ զոհերի հիշատակի, ովքեր երազում էին, սակայն, այլևս երբեք չեն իրականացնի իրենց երազանքները», - գրում է Իզաբելը:

«Դա պարզապես ահաբեկչական հարձակում չէր, այլ իսկական սպանդ: Տասնյակ մարդիկ են զոհվել է իմ աչքի առջև: Հատակով արյուն էր հոսում: Չափահաս տղամարդիկ լացում էին՝ սպանված զուգընկերուհիների դիերը գրկում պահած, - ասում է 22-ամյա ֆրանսուհին:- Դա իրականության նման չէր, ես սպասում էի այն պահին, երբ ինչ - որ մեկն ասելու է, որ դա ընդամենը մղձավանջ է»:

Աղջիկը հայտնել է, որ նա ստիպված է եղել մեռած ձևացնել մի որոշ ժամանակ՝ պառկելով արյան մեջ, որպեսզի ահաբեկիչները չսպանեն նրան:

Իր ուղերձում նա նաև տեղադրել է արյան  հետքերով պատված վերնաշապիկի լուսանկարը, որը եղել է նրա հագին այդ սարսափելի գիշերը: