Ֆրանսիայում կփակվեն «արմատական» մզկիթները

Ֆրանսիայի իշխանությունները պատրաստվում են փակել բոլոր այն մզկիթները, որտեղ ակտիվ գործունեություն են ծավալում «արմատական» հայացքների տեր քարոզիչները, հաղորդում է BFM-ը:

Ֆրանսիայի վարչապետ Մանուել Վալսի խոսքով՝ «անհրաժեշտ է փակել բոլոր այն մզկիթներն ու ասոցիացիաները, որոնք վնասում են Ֆրանսիայի Հանրապետության արժեքներին»։

«Անհրաժեշտ է արտաքսել բոլոր օտարերկրացիներին, ովքեր մեր արժեքների դեմ ուղղված «արմատական» նպատակներ ունեն»,-ասել է պաշտոնյան։

Բացի այդ, վարչապետը տեղեկացրել է այն մասին, որ «Իսլամական պետության» ահաբեկիչները նոր հարձակումներ են նախապատրաստում Ֆրանսիայում և մի շարք այլ եվրոպական երկրներում։