Օբաման խստիվ քննադատել է ̀ սիրիացի գաղթականներին ընդունելուց հրաժարվող նահանգապետերին

ԱՄՆ-ի նախագահ Բարաք Օբաման խստիվ քննադատել է երկրի այն քաղաքական գործիչներին ու նահանգապետերին, ովքեր հանդես են եկել սիրիացի փախստականների առջեւ սահմանները փակելու օգտին: Այդ մասին հաղորդել է NBC հեռուստաալիքը:

Նախագահը իր քաղաքական ընդդիմախոսների կողմից միգրանտների վերաբերյալ արված հայտարարությունների ալիքը որակել է «հիստերիա»:

Օբաման հավելել է, թե ահաբեկչական գործողություններից հետո սխալ է «վախի ու խուճապի մատնվելը» եւ հորդորել է չուռճացնել գոյություն ունեցող ռիսկերը:

ԱՄՆ-ի Կոնգրեսի Ներկայացուցիչների պալատի խոսնակ Փոլ Ռայանը նոյեմբերի 18-ին հայտարարել Է, որ ԱՄՆ-ի տարածքում սիրիացի գաղթականների ընդունման ծրագիրը պետք Է կասեցվի ազգային անվտանգության նկատառումներով: Նա ասել Է, որ այս շաբաթ ավելի ուշ Ներկայացուցիչների պալատը քվեարկելու Է սիրիացի գաղթականներին ընդունման ծրագրի գործողությունը կասեցնելու հարցի շուրջ:

Ավելի վաղ ԱՄՆ-ի 27 նահանգների նահանգապետեր, առավելապես հանրապետականներ, դեմ են արտահայտվել իրենց նահանգներ սիրիացի գաղթականների ժամանմանը: Դրա դեմ հանդես են եկել նաեւ հանրապետականներից նախագահի բոլոր թեկնածուները:

Սեպտեմբերին ԱՄՆ-ի նախագահը հայտարարել Է Սիրիայից փախստականների ընդունման ծրագրի մասին, որի համաձայն՝ մինչեւ 2016 թվականի սեպտեմբերը պլանավորվում Է ընդունել մինչեւ 10 հազար մարդու, հաղորդել է «Ինտերֆաքս»-ը: