ՄԱԿ-ը նախազգուշացրել է ԻՊ-ի՝ Լիբիայում ծավալվող հարձակման սպառնալիքների մասին

Լիբիայի հարավում «Իսլամական պետություն» ահաբեկչական կազմակերպությունը առաջ Է շարժվում դեպի նավթադաշտեր, ինչպես նաեւ ընդլայնում Է հսկողությունը Սիրտի շրջակա ափամերձ գոտու նկատմամբ՝ հարձակվելով Տրիպոլիի ուղղությամբ: Այդ մասին, ինչպես տեղեկացնում Է «Արմենպրես»-ը, լրագրողներին հայտարա րել Է Լիբիայում ՄԱԿ-ի գլխավոր քարտուղարի հատուկ ներկայացուցիչ Մարտին Կոբլերը:

Նա ԻՊ-ի կողմից սպառնալիքի զսպումը համարել Է կարեւորագույն խնդիրներից մեկը Լիբիայում, բայց ընդգծել Է, որ «այդ հիմնախնդրով լրջորեն կարելի Է զբաղվել» միայն երկրում ազգային համաձայնության կառավարության ձեւավորումից հետո:

Կոբլերը նախազգուշացրել Է, որ եթե երկրի հարավում չկասեցվի ԻՊ-ի առաջխաղացումը, ապա այդ կազմակերպությունը կարող Է հասնել «Բոկո հարամ» եւ այլ խմբավորումների կողմից վերահսկվող տարածքներին, որոնք գործում են հարեւան Նիգերում ու Չադում՝ դրանով իսկ ստեղծելով ահաբեկչության «առանցք»:

ՄԱԿ-ի Անվտանգության խորհուրդը դեկտեմբերի 23-ին միաձայն բանաձեւ Է ընդունել՝ հաջակցություն Լիբիայում ազգային համաձայնության կառավարության ձեւավորման համաձայնագրի եւ հորդորել Է բոլոր պետություններին՝ օգնություն ցուցաբերել նրան «Իսլամական պետության» դեմ մղվող պայքարում:

Մինչդեռ ՄԱԿ-ի գլխավոր քարտուղարի հատուկ ներկայացուցիչն ընդգծել Է, որ ապագա իշխանություններն իրենք պետք Է որոշեն՝ իրենց անհրաժեշտ Է արդյոք արտաքին օգնությունը:

Դեկտեմբերի 23-ին ՄԱԿ-ին առընթեր Միացյալ Թագավորության մշտական ներկայացուցիչ Մեթյու Ռայքրոֆթը լրագրողներին հայտարարել Է, որ Լոնդոնը պատրաստ Է ԻՊ-ի դեմ պայքարում համագործակցել Լիբիայի ապագա կառավարության հետ, եթե նրանից նման խնդրանք ստացվի, հաղորդել Է ՏԱՍՍ-ը: