Կահիրեում անհայտ անձինք հարձակվել են զինվորականների վրա. երկու մարդ է զոհվել

Կահիրեի ծայրամասում՝ Գիզայում անհայտ անձանց կողմից իրականացված հարձակման հետևանքով զոհվել է երկու եգիպտացի զինվորական, հաղորդում է Al Arabiya հեռուստաալիքը:

Նշվում է, որ մահացածների թվում կա մեկ զինվոր և ոստիկանության սպա:

Նախօրեին երեք զինված մարդիկ հրաձգություն են իրականացրել Հուրգադայում գտնվող Bella Vista Resort հյուրանոցում: Ըստ նախնական տեղեկությունների՝ տուժել է երեք օտարերկրյա զբոսաշրջիկ, այդ թվում՝ երկուսը Ավստրիայից, մեկը՝ Շվեդիայից: Հարձակվողները սպանվել են: