Պակիստանում ոչնչացվել է 4 հարձակվող

Պակիստանի իրավապահ մարմինների աշխատակիցները հաղորդել են չորս հանցագործի ոչնչացման մասին, որոնք հարձակում էին իրականացրել Չարսադա քաղաքում գտնվող համալսարանի վրա, գրում է Times of India-ն:

Բժիշկները հայտնել են հարձակման 15 զոհի մասին: Բացի այդ, ոստիկանության տվյալներով՝ առնվազն 50 մարդ վիրավորվել է:

Նշվում է, որ համալսարանի շենքում դեռևս կարող են զինված մարդիկ լինել:

Ավելի վաղ հաղորդվում էր, որ Պակիստանում համալսարանի վրա զինված հարձակման պատասխանատվությունը ստանձնել է «Թեհրիք-ի-թալիբան Պակիստան» ահաբեկչական խմբավորումը: