Իրանում Սաուդյան Արաբիայի դեսպանատան վրա գրոհները վնասեցին Իրանի հեղինակությանը. Խամենեի

Իրանում Սաուդյան Արաբիայի դեսպանատան եւ դիվանագիտական այլ ներկայացուցչությունների վրա կատարված հարձակումները վնաս են հասցրել Իսլամական Հանրապետության հեղինակությանն ու իսլամին: Այդ մասին, ինչպես տեղեկացնում Է «Արմենպրես»-ը, Իրանի ղեկավար եւ հոգեւոր առաջնորդ այաթոլլա Ալի Խամենե ին հայտարարել Է իշխանությունների այն ներկայացուցիչների հետ կայացած հանդիպմանը, որոնք պատասխանատու են Փորձագետների խորհրդի եւ երկրի մեջլիսի (խորհրդարան) ընտրությունների անցկացման համար: Դրանք միաժամանակ տեղի կունենան փետրվարի 26-ին:

Իրանի ղեկավար եւ հոգեւոր առաջնորդ այաթոլլա Ալի Խամենեին դատապարտել Է Թեհրանում եւ Մեշհեդում Էր Ռիադի դիվանագիտական ներկայացուցչությունների վրա վերջերս կատարված հարձակումները, ինչպես նաեւ Մեծ Բրիտանիայի դեսպանատան վրա հարձակումը 2011 թվականին: «Դա վատ բան Է եւ վնաս հասցրեց Իրանին ու իսլամին: Ոչինչ չի արդարացնում հարձակումը դիվանագիտական առաքելության վրա»,- Խամենեիի խոսքը մեջբերում Է ԻՌՆԱ գործակալությունը:

Էր Ռիադի եւ Թեհրանի միջեւ հարաբերությունների ճգնաժամը բորբոքվեց հունվարի 2-ին՝ սաուդացի հայտնի շիա քարոզիչ շեյխ Նիմրա ան Նիմրայի մահապատժից հետո: Ի պատասխան, իրանցի ցուցարարները ջարդեր կազմակերպեցին Իրանի Իսլամական Հանրապետությունում Սաուդյան Արաբիայի դիվանագիտական ներկայացուցչություններում:

Դրանից անմիջապես հետո Սաուդյան Արաբիան, ինչպես նաեւ Բահրեյնը, Սուդանը եւ Ջիբուտին խզեցին դիվանագիտական հարաբերություններն Իսլամական Հանրապետության հետ՝ իրանցի դիվանագետներից պահանջելով հեռանալ իրենց տարածքից: Արաբական Միացյալ Էմիրություններն Իրանի հետ հարաբերությունները նվազեցրեցին մինչեւ գործերի հավատարմատարների մակարդակ եւ կրճատեցին հավատարմագրված իրանցի դիվանագետների թվաքանակը. Քուվեյթի ԱԳ նախարարությունը Թեհրանից հետ կանչեց իր դեսպանին: Բացի այդ, Սաուդյան Արաբիան եւ Բահրեյնը ամբողջությամբ դադարեցրեցին ավիահաղորդակցությունը Իրանի հետ, հաղորդել Է ՏԱՍՍ-ը: