Նեմցովի դուստրը նրա սպանությունը բացահայտված չի համարում

Քաղաքական գործիչ Բորիս Նեմցովի դուստրը՝ Ժաննան, համաձայն չէ Ռուսաստանի Քննչական կոմիտեի ղեկավար Ալեքսանդր Բաստրիկինի տեսակետին, որը հայտարարել է, որ Նեմցովի սպանությունը բացահայտված է, հայտնում է «Ինտերֆաքսը»:

«Ես՝ ի տարբություն Բաստրիկինի, սպանությունն ամբողջովին բացահայտված չեմ համարում»,- հայտնել է նա:

Նրա խոսքով՝ ՔԿ ղեկավարությունը շահագրգռված չէ, որ հանցագործությունն ամբողջովին բացահայտվի:

«Բաստրիկինը մի քանի անգամ չի ստորագրել Ռուսլան Գերեմեևին մեղադրանքները հեռակա ներկայացնելու մասին որոշումը: Այսպես են ասում աղբյուրները, ինչին ես հավատում եմ»,- ասել է Նեմցովան: