Ջասթին Բիբերը հայտնվել է ԻԼԻՊ-ի տեսանյութում (լուսանկարներ)

ԻԼԻՊ-ի զինյալները նոր տեսանյութ են հրապարակել, որում գլխատում են Լիբանանում չորս մարդու: Տեսանյութն ուղեկցվում է հայտնի երգիչ Ջասթին Բիբերի անունը կրող հեշթեգով: Դա արվել է սարսափելի կադրերի ժողովրդականությունը բարձրացնելու նպատակով, գրում է LifeNews-ը:

Ի դեպ, Ջասթին Բիբերի անունն առաջին անգամը չէ, որ հայտնվում է ԻԼԻՊ խմբավորման հետ կապված նորություններում: Արմատականների կողմից ամերիկացիների հասցեին հնչած հերթական սպառնալիքից հետո՝ երգիչը «Tweeter»-ի իր էջում կատարել է հետևյալ գրառումը. «Ի՞նչ է, պետք է վախենա՞մ»:

Հավելենք, որ երբեմն ծայրահեղականների հրապարակումներն ուղեկցվում են նաև այլ հեշթեգերով, որոնք գործի հետ կապ չունեն, որպեսզի իրենց նկարահանումները մեծ ժողովրդականություն վայելեն: Առավել հայտնիների շարքում՝ հրատապ լուրեր (#BreakingNews), Բոլիվուդ (#Bollywood) և Հոլիվուդ (#Hollywood).