Թուրքիան հայտնել է Սիրիայի շուրջ բանակցություններից դուրս գալու պայմանները

Թուրքիան դուրս է գալու Սիրիայի իրավիճակի կարգավորման հարցով միջազգային խմբից, եթե հակամարտության դեէսկալացիայի բանակցային գործընթացներին կմասնակցի սիրիացի քրդերի խումբը:

Ժնևում բանակցություններին քրդերի մասնակցության դեպքում կոշտ միջոցների վերաբերյալ զգուշացումն Անկարան արդեն փոխանցել է Սիրիայի հարցով ՄԱԿ-ի հատուկ բանագնաց Ստեֆան դե Միստուրային, հաղորդում է Foreign Policy-ն:

ԱՄՆ փոխնախագահ Ջո Բայդենը, ով մոտ ժամանակներս պետք է այցելի Թուրքիա, մտադիր է համոզել Անկարային հրաժարվել այդպիսի միջոցներից՝ շփման խմբի ցանկացած կազմի դեպքում:

Միջսիրիական բանակցությունները Ժնևում նախատեսված են հունվարի 25-ին: