Վարչապետ Ցիպրասը խոստանում է հինգ տարում կառուցել նոր Հունաստան

Հունաստանի վարչապետ Ալեքսիս Ցիպրասը հայտարարել է, որ 2016 թվականը շրջադարձային է ճգնաժամից և վարկատուների հովանավորությունից դուրս գալու համար, իսկ 2021 թվականին, երբ նշվելու է հեղափոխության 200-ամյակը, կառուցված կլինի նոր Հունաստան: Նրա խոսքով՝ ձախ կառավարությունը երկար կմնա իշխանության գլուխ և կհասնի հաջողության: Ինչպես տեղեկացնում է «Արմենպրես»-ը, վարչապետն այս մասին հայտարարել է՝ հանդես գալով «Ձախերի մեկ տարին, պայքարի մեկ տարին: Մենք առաջ ենք գնում» մեկժամանոց ճառով:

«Մենք հաստատակամորեն առաջ ենք ընթանում: Մինչև 2021 թվականը մենք ձգտում ենք ստեղծել նոր Հունաստան: Մենք պատմություն ենք գրում մեր պայքարով: Մենք պայքարում ենք, որպեսզի իրականությունը մոտեցնենք մեր երազանքներին: Մենք պայքարում ենք, որպեսզի փոխենք Հունաստանն ու Եվրոպան, որպեսզի հաղթենք այն ուժերին, որոնք հանդես են գալիս ասկետիզմի օգտին: Մենք կռիվ ենք տալիս և հաջողության կհասնենք»,- հայտարարել է Ցիպրասը:

«Մենք ամեն ինչ փոխում ենք մեր երկրում ու Եվրոպայում: Մենք վերջ կդնենք Եվրոպայում հետադիմական ուժերի շանտաժին: Մենք հպարտանում ենք նրանով, որ ոտքի վրա ենք և անցյալում ենք թողնելու օլիգարխների ռեժիմը»,- հավելել է նա, հաղորդել է ՌԻԱ Նովոստին: