էսօր էլ բողոքեք, վաղն էլ

Իսկ հիմա բռնվենք, որ չընկնենք. Բաքուն դժգոհ է Լեռնային Ղարաբաղի հակամարտության խաղաղ կարգավորման գծով ԵԱՀԿ Մինսկի խմբի աշխատանքից և ոչ միայն դժգոհ է, այլև նույնիսկ այդ մասին արդեն բողոքի նամակներ է հղել համանախագահների երկրների ԱԳՆ-ներ:

Հավանաբար, Բաքվին դեպրեսիայի մեջ էր գցել ԵԱՀԿ Մինսկի խմբի համանախագահների կոչը ԵԽԽՎ-ին՝ հակահայկական բանաձևերի կապակցությամբ: Իսկ ուրիշ ի՞նչ էին ակնկալում Ադրբեջանի իշխանությունները, որ համանախագահներն աչք կփակե՞ն և կթույլատրեն մի գործընթաց, որն ակնհայտորեն հակասում է հակամարտության կարգավորման ընդունված ֆորմատի՞ն:

Նկատելի է նաև, որ վերջին շրջանում ԵԱՀԿ Մինսկի խմբի համանախագահների դիրքորոշումն ադրբեջանական կողմի հանդեպ մի փոքր փոխվել է և փոխվել է ոչ Ադրբեջանի օգտին: Սա էլ սպասելի էր, որովհետև Ադրբեջանն իր լկտի գործողություններով բացահայտ ցույց էր տալիս, որ արհամարհած ունի միջազգային կառույցները, նաև համանախագահների աշխատանքը և բոլոր պայմանավորվածությունները՝ հրադադարի պահպանման և հացի խաղաղ կարգավորման վերաբերյալ: Եվ այսօր, այդքանով հանդերձ, դեռ Ադրբեջանն է դժգոհում, նույնիսկ՝ բողոքում:

Այստեղ են ասել՝ «էսօր էլ բողոքեք, վաղն էլ»: Ու ընդհանրապես, եթե Բաքուն այդքան դժգոհ է, միգուցե պարզապես դու՞րս գա գործընթացից և խնդիրը լուծում ստանա առանց իրենց մասնակցության, և բնականաբար, բացարձակապես մեր օգտին:

Կարեն Վարդանյան