Օդերևութաբանները փետրվարի 7-ին և 8-ին կանխատեսում են տեղումներ

Հայաստանի տարածքում փետրվարի 4-6-ն սպասվում է առանց տեղումների եղանակ: Փետրվարի 7-ին, 8-ի գիշերը' շրջանների մեծ մասում, 8-ի ցերեկը' արևելյան շրջաններում, սպասվում են տեղումներ: Քամին կլինի հյուսիս-արևմտյան' 5-10 մ/վրկ արագությամբ:

Օդի ջերմաստիճանը փետրվարի 4-ի գիշերն էապես չի փոխվի, փետրվարի 4-5-ը' առավելապես ցերեկը, կբարձրանա 5-7 աստիճանով, փետրվարի 7-ի ցերեկը' նույնքան կնվազի:

Երևանում փետրվարի 4-6-ին, 8-ի ցերեկն սպասվում է առանց տեղումների եղանակ: Փետրվարի 7-ին, 8-ի գիշերը սպասվում են տեղումներ:

Երևանի փետրվարի 4-ի բազմամյա կլիմայական տվյալներն են. օդի առավելագույն ջերմաստիճան' 11.5 աստիճան (1970 թ.), նվազագույն ջերմաստիճան' -26.2 աստիճան (1972 թ.), օդի միջին օրական ջերմաստիճան' -3.1 աստիճան: