Մխիթարյան-Ռոյս-Օբամեյանգ համագործակցությունն ու Կասիլյասի ինքնագոլը. «Բորուսիան» 1/8 եզրափակչում է (տեսանյութ, լուսանկարներ)

Եվրոպայի լիգայի 1/16 եզրափակչի պատասխան խաղի շրջանակներում Դորտմունդի «Բորուսիան» Պորտուգալիայում ուժերը չափեց «Պորտուի» հետ:

Դիմակայությունն ավարտվեց հյուրերի հաղթանակով՝ 1:0 հաշվով:

23-րդ րոպեին Հենրիխ Մխիթարյանը գեղեցիկ փոխանցում կատարեց Մարկո Ռոյսին, ում հարվածը Իկեր Կասիլյասը հետ մղեց, սակայն վրա հասած Օբամեյանգը կրկին հարվածեց, արդյունքում Իկեր Կասիլյասի հաշվին ինքնագոլ գրանցվեց:

Երկու խաղերում գրանցված 3:0 հաշիվը դորտմունդցիներին դուրս բերեց մրցաշարի 1/8 եզրափակիչ: