Մոուրինյուի և Գվարդիոլայի դիմակայությունն անհավանական է լինելու. Անչելոտի

Մյունխենի «Բավարիայի» գլխավոր մարզչի պաշտոնն ստանձնող Կարլո Անչելոտին, անդրադառնալով «Մանչեսթեր Յունայթեդի» գլխավոր մարզչի պաշտոնում Ժոզե Մոուրինյուի նշանակելու տարբերակին՝ նշել է, որ դա ճիշտ որոշում կլինի անգլիական ակումբի ղեկավարության կողմից:

«Ճիշտ որոշում է, քանի որ Մոուրինյուն հիանալի գիտի Պրիմեր լիգան: Նա աշխարհի լավագույն մարզիչներից մեկն է, իսկ մանչեսթերյան ակումբին պետք է այնպիսի մարզիչ, ով ունակ կլինի բարելավել թիմի խաղը՝ Լուի վան Գալի հետ երկու տարի աշխատանքից հետո: Մոուրինյուի շնորհիվ միգուցե նրանք կարողանան քայլ առաջ անել: Մոուրինյուի և Գվարիդոլայի դիմակայությունը անհավանական է լինելու: Այս երկու մասնագետներն աշխարհի լավագույն մարզիչների ցանկում են, և սա հետաքրքիր է լինելու երկու կողմերին էլ»,- Անչելոտիի խոսքը մեջբերում է միջազգային մամուլը: