Նիսի ահաբեկչությունից տուժածներից 52-ի վիճակը ծայրահեղ ծանր է

Ֆրանսիայի Նիս քաղաքում տեղի ունեցած ահաբեկչության հետևանքով վիրավորների թիվը հասել է 202-ի: Այս մասին լրագրողների հետ զրույցում նշել է Փարիզի դատախազ Ֆրանսուա Մոլին' հավելելով, որ բժիշկները պայքարում են նրանցից 25-ի կյանքի համար, ևս 52-ի վիճակը գնահատվում է ծայրահեղ ծանր:

Մոլին նաև որոշակի մանրամասներ է հայտնել դեպքից: Բեռնատարը վարձով է վերցվել հուլիսի 11-ին և պետք է հետ վերադարձվեր հուլիսի 13-ին: Բեռնատարի մեջ եղել է երկու Կալաշնիկով տիպի ինքնաձիգներ, բազմաթիվ փամփուշտներ և նռնակներ: Բեռնատարը կշռել է 19 տոննա: Դատախազը նաև հաստատել է ահաբեկչությունն իրականացնողի ինքնությունը' Մուհամեդ Լահուաեջ Բուհլել:

Ֆրանսիայի միջերկրածովյան Նիս քաղաքում հուլիսի 14-ի երեկոյան, երբ ֆրանսիացիները նշում էին Ազգային տոնը՝ Բաստիլի օրը, իրականացված ահաբեկչության հետևանքով զոհերի թիվը հասել է 84-ի: Եվս 18 մարդ ծայրահեղ ծանր վիճակում է: Բեռնատարը մխրճվել Õ § ազգային տոնի առիթով քաղաքի կենտրոնական հատվածներից մեկում հավաքված ամբոխի մեջ, ապա կրակ բացել մարդկանց ուղղությամբ: Վարորդը սպանվել է ոստիկանների կողմից: Ահաբեկչության հեղինակը Մուհամեդ Լահուաեջ Բուհլելն է' Ֆրանսիայում բնակվող և ծագմամբ թունիսցի 31-ամյա երիտասարդ: