Լևոն Բարսեղյանի դանակը սառը զենք չէ. գործը կկարճվի

Որոշում է կայացվել Գյումրու «Ասպարեզ» լրագրողների ակումբի նախագահ Լեւոն Բարսեղյանին ազատ արձակելու մասին:

ԼՈւՐԵՐ.com-ի թղթակցի հետ զրույցում  ՀՀ Քննչական կոմիտեի նախագահի խորհրդական Սոնա Տռուզյանն ասաց, որ արդեն ստացվել է քրեագիտական փորձաքննության եզրակացությունը, համաձայն որի՝ անձնական խուզարկությամբ նրա մոտ հայտնաբերված դանակը սառը զենք չէ և ձեռք բերված ապացույցների համակցությամբ որոշում է կայացվել նրան անհապաղ արգելանքից ազատելու մասին:

Հիշեցնենք, որ հուլիսի 27-ին՝ ժամը 03:30-ի սահմաններում, Երևան քաղաքի Մ. Խորենացի փողոցից ՀՀ ոստիկանության Երևան քաղաքի վարչության Շենգավիթի բաժին բերման էր ենթարկվել Լևոն Բարսեղյանը, որտեղ նրա անձնական խուզարկությամբ' տաբատի գրպանից հայտնաբերվել էր 18,8 սմ ընդհանուր երկարության՝ շեղբը' 8,5 սմ, ծալովի դանակ: Նյութերի նախապատրաստման ընթացքում ոստիկանությունը նշանակել էր քրեագիտական և դատաբժշկական փորձաքննություն, այնուհետև Լ. Բարսեղյանը ձերբակալվել էր: