«ՀԺ». Արարատի մարզում ՀՀԿ-ն ընտրության առաջ է կանգնած
Հայկական Մամուլ
Ազգային ժողովի կուլիսներում խոսվում է, որ Արարատի մարզում Հանրապետական կուսակցությունից ռեյտինգային ընտրակարգով առաջադրվելու ցանկություն ունեն այդ տարածաշրջանից մեծամասնական ընտրակարգով ընտրված բոլոր պատգամավորները:
Խոսքը թիվ 16 ընտրատարածքից պատգամավոր դարձած Մուրադ Մուրադյանի և թիվ 17-ից՝ Կարինե Պողոսյանի մասին է: Վերջինս, հիշեցնենք, Հովիկ Աբրահամյանի զարմուհին է: Չի բացառվում, որ ռեյտինգային ընտրակարգով առաջադրվի նաև Հովիկ Աբրահամյանն ինքը:
Կարինե Պողոսյանը մեզ հետ զրույցում ասաց, որ դեռ առաջադրվելու հարց չի քննարկվել: Այդ մարզում ռեյտինգային ընտրակարգով առաջադրվելու ցանկություն ունի նաև թիվ 18 ընտրատարածքից մեծամասնական ընտրակարգով պատգամավոր դարձած «Ավշարի» գործարանի սեփականատեր Արայիկ Գրիգորյանը:
Նշենք, որ Ընտրական օրենսգրքի համաձայն, ռեյտինգային ընտրակարգով հնարավոր է յուրաքանչյուր 10.000 բնակչի հաշվին առաջադրել մեկ թեկնածու:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
