Սամվել Ալեքսանյանի «Ալեքս գրիգ» ընկերությունը զգալիորեն ավելի քիչ հարկ կվճարի

«Այս տարի ՀՀ ԱԺ պատգամավոր Սամվել Ալեքսանյանի «Ալեքս գրիգ» ընկերությունը զգալիորեն ավելի քիչ հարկ կվճարի, քան անցած տարի։ «Ալեքս Գրիգ» ընկերությունը չի ներառվի նույնիսկ խոշորագույն 5 հարկատուների ցանկում։

Երեկ ՀՀ ՊԵԿ խոշոր հարկատուների տեսչության պետ Ռաֆիկ Մաշադյանը թվարկել է այն տնտեսվարողներին, որոնք կկազմեն այդ հնգյակը։ Դրանք են «Գազպրոմ Արմենիան», «ՀԷՑ»–ը, «Գրանդ Տոբակոն», «Ղ Տելեկոմը» և «Արմենտելը»։ «Ալեքս Գրիգը» անցած տարի վճարել էր 18.2 միլիարդ դրամ և հայտնվել չորրորդ հորիզոնականում։ Թե այս տարի որքան կվճարի, դեռ չի հայտարարվում, բայց այն, որ շատ ավելի փոքր գումար կվճարի պետբյուջե, արդեն իսկ ակնհայտ է։ Տարեցտարի բյուջե վճարվող հարկերի նվազումը «Ալեքս Գրիգի» դեպքում արդեն հստակ միտում է դառնում։ Միևնույն ժամանակ այս ընկերությունը անընդհատ ընդլայնվում ու նորանոր տնտեսական «բարձունքներ» է գրավում։ Անցած տարվա ընթացքում նա չի կորցրել որևէ մոնոպոլիա, շարունակում է վայելել իշխանության ամենաբարձր օղակների հնարավոր ամենամեծ հովանավորությունը։ Եվ տարեցտարի հարկերի նվազեցումը կարող է պայմանավորված լինել ընդամենը ստվերի ընդլայնմամբ»,–գրում է թերթը։

Մանրամասները՝ թերթի այսօրվա համարում։