«Բարսելոնա»-ի նախագահը Սուրբ Ծննդի առթիվ բոլոր խաղացողներին նվիրել է iPhone 7s

Կատալոնական «Բարսելոնա»-ի նախագահ Խոսեպ Մարիա Բարտոմեուն Իսպանիայի առաջնության 16-րդ տուրի «Էսպանյոլ»-ի հետ (4:1) հանդիպումից հետո շնորհավորել է խաղացողներին և մարզչական կազմին Սուրբ Ծննդյան առթիվ և յուրաքանչյուրին նվիրել iPhone 7s: Այդ մասին հաղորդում է Mu ndo Deportivo-ն:

Թերթի տեղեկություններով, Բարտոմեուն ստիպված է եղել նվիրել հազար եվրո արժողությամբ հեռախոսները Սուրբ Ծննդյան տոներից մի քանի օր առաջ, քանի որ իմացել է' Խերարդ Պիկեն, Լուիս Սուարեսը, Նեյմարը և Լիոնել Մեսին ձմեռային արձակուրդ են մեկնելու արդեն խաղից հետո:

Մրցաշարային աղյուսակում «Բարսելոնա»-ն զբաղեցնում է երկրորդ տեղը' առաջատար «Ռեալ»-ին զիջելով երեք միավորով, որը մեկ խաղ նաև պակաս է անցկացրել: