«Յունայթեդն» ու «Լիվերպուլը» չպարզեցին հաղթողին. Մխիթարյանը մասնակցեց խաղին (տեսանյութ, լուսանկարներ)

Անգլիայի առաջնության 21-րդ տուրի կենտրոնական խաղում «Մանչեսթեր Յունայթեդը» հյուրընկալեց «Լիվերպուլին»:

Դիմակայությունն ավարտվեց 1:1 հաշվով:

27-րդ րոպեին Ջեյմս Միլները հաշվի մեջ առաջ մղեց հյուրերին` դիպուկ իրացնելով 11 մետրանոց հարվածը: Դաշտի տերերին պարտությունից փրկեց 84-րդ րոպեին Զլատան Իբրահիմովիչի հեղինակած գոլը:

Հայաստանի հավաքականի կիսապաշտպան Հենրիխ Մխիթարյանը մանչեսթերցիների մեկնարիկային կազմում էր և մասնացկեց ողջ հանդիպմանը:

Այս խաղից հետո Մոուրինյուի թիմը իր ակտիվում ունի 40 միավոր և Անգլիայի առաջնության մրցաշարային աղյուսակի 6-րդ տեղում է: