Անհայտ կորած իսպանացին 20 տարի անց հայտնաբերվել է իր բնակարանում

Իսպանիայի արևմտյան Կանիսալ գյուղաքաղաքում գտնվող առանձնատներից մեկում հայտնաբերվել է տղամարդու մարմնի մասեր, որը 20 տարի տեղի բնակչության կողմից համարվում էր անհայտ կորած։ Հայտնաբերվածը բնակարանատիրոջ՝ Վիսենտե Բենիտոյի մարմնի մասերն են, գրում է The Guardian–ը։

Հարևանները հայտնել են, որ նա վաղուց չի արձագանքել դռան զանգերին և նրանք կարծել են, որ Բենիտոն մեկնել է Պորտուգալիա։ 520 բնակիչ ունեցող գյուղում ապրող մարդիկ հիշել են, որ 20 տարի առաջ իրենց անհանգստացրել է բակում կապված Բենիտոյի շան հաչոցը։ Ի վերջո հարևաններից մեկը շանը վերցել և պահել է, սակայն հարևաններից ոչ ոք չի հետաքրքրվել հարևանի ճակատագրով։

Բենիտոյի մարմինը գտել է նրա զարմիկը, որը 2012–ի մայիսի վերջին անսպասելիորեն հետքաքրքրվել է անհայտ կորած ազգականի ճակատագարով և այցելել է նրա բնակարան։

«Վախենում եմ, որ առնվազն մեկ շաբաթ չեմ կարողանա հանգիստ քնել», – ասել է ականատես երիտասարդներից մեկը։ 

Հարևանները հաղորդել են, որ այդքան ժամանակ Բենիտոյի բնակարանից որևէ հոտ չեն զգացել։ Ենթադրվում է, որ դրան խանգարել է մոտակայքում գտնվող խոզանոցի հոտը։ 

Հաղորդվում է, որ այժմ Վիսենտե Բենիտոն կլիներ 73 տարեկան։ Ամենայն հավանականությամբ, նա մահացել է 50 տարեկանում։ Մահվան հնարավոր պատճառների մասին ոչինչ չի հաղորդվում։