Մահվան ելքով վրաերթի հեղինակը «Հայ Ավետարանչական» ընկերության աշխատակազմի ղեկավարն է

Երեւան-Սեւան-Իջեւան ավտոճանապարհի 103-րդ կմ-ին օգոստոսի 15-ին, 49-ամյա Սենո Ս.-ն իր վարած «ՎԱԶ 2121» (Նիվա) մակնիշի 19 00 320 համարանիշի ավտոմեքենայով վրաերթի է ենթարկել 63-ամյա Տիգրան Հ.-ին, 48-ամյա Շահեն Ո.-ին եւ 69-ամյա Աշոտ Ս.-ին:

Shamshyan.com-ի փոխանցմամբ, վրաերթի ենթարկվածները մարմնական վնասվածքներով տեղափոխվել էին Դիլիջանի բժշկական կենտրոն, որտեղ Տիգրան Հ-ն, գիտակցության չգալով՝ մահացել էր:

«Նիվայի» վարորդ Սենո Ս.-ն աշխատում է «Հայ Ավետարանչական» ընկերությունում՝ որպես աշխատակազմի ղեկավար: