Նոր նշանակում՝ ՀՀ փաստաբանների պալատում

Հասարակություն 22 Օգոստոս, 2017 15:08

ՀՀ փաստաբանների պալատի հանրային պաշտպանի գրասենյակի ղեկավարի տեղակալ է նշանակվել փաստաբան Լյուդվիկ Դավթյանը։

Հանրային պաշտպանի գրասենյակի ղեկավարի նախկին տեղակալ Վարսեր Կարապետյանը Միացյալ Նահանգներում վերապատրաստվելու (Fulbright scholar program) նպատակով ազատվել էր աշխատանքից:

Լյուդվիկ Դավիթի Դավթյանը ծնվել է 1984թ. հուլիսի 4-ին ՀՀ Շիրակի մարզի Արթիկ քաղաքում:

2005թ. գերազանցությամբ ավարտել է Երևանի պետական համալսարանի իրավաբանական ֆակուլտետի բակալավրիատը, 2007թ.` մագիստրատուրան: Նույն թվականին ընդունվել է ԵՊՀ ասպիրանտուրա (Իրավագիտության ֆակուլտետի Քրեական դատավարակության և կրիմինալիստիկայի ամբիոն):

2007-2008թթ․ աշխատել է ՀՀ կենտրոնական բանկի Եվրոպական ինտեգրացման բաժնում որպես մասնագետ։

2008-2009թթ. հրավիրվել է Շվեյցարիայի Լոզանի համալսարանի իրավագիտության և քրեական գիտությունների ֆակուլտետ` թեկնածուական ատենախոսության թեմայով գիտական հետազոտություններ կատարելու նպատակով:

2010թ. ԵՊՀ խորհրդում պաշտպանել է թեկնածուական ատենախոսությունը և ստացել իրավաբանական գիտությունների թեկնածուի գիտական աստիճան (թեմա՝ «Հայոց լեզվով կատարված տեքստերի կրիմինալիստիկական հետազոտումը՝ հեղինակին պարզելու նպատակով»):

2010-2011թթ. աշխատել է ՀՀ Գիտությունների ազգային ակադեմիայի «Փորձաքննությունների ազգային բյուրո» ՊՈԱԿ-ում որպես իրավախորհրդատու` միաժամանակ դասավանդելով Երևանի Եվրոպական Կրթական Տարածաշրջանային Ակադեմիայում:

2011-2012թթ. օգոստոսին հրավիրվել է Շվեյցարիայի Լոզանի համալսարանի իրավագիտության և քրեական գիտությունների ֆակուլտետի Դատական փորձագիտության ինստիտուտ` որպես հրավիրված դասախոս գիտական հետազոտությունները շարունակելու նպատակով: Շվեյցարաիայի Համեմատական իրավագիտության ինստիտուտի փորձագետ է:

2012թ. hուլիսից ՀՀ փաստաբանների պալատի անդամ է:

Լյուդվիկ Դավթանը մի շարք գիտական հոդվածների, ձեռնարկների և այլ գիտական աշխատանքների հեղինակ և համահեղինակ է: