Օբաման եվրոպացիների համար ԱՄՆ նախագահի ամենավստահելի թեկնածուն է

Եվրոպայի մի շարք երկրների բնակչության մեծամասնությունը ցանկանում է, որպեսզի ԱՄՆ–ի նախագահի պաշտոնում վերընտրվի Բարաք Օբաման։  Այդ մասին վկայում է Pew Research Center–ի հետազոտական կենտրոնի հրապարակած տվյալները։ 

Օբամային նախագահի պաշտոնում ցանկանում են տեսնել Ֆրանսիայի և Գերմանիայի 10–ից 9–ը բնակիչները, Մեծ Բրիտանիայում, Իսպանիայում, Իտալիայում և Չեխիայում՝ 10-ից 7–ը։ ԱՄՆ–ի նախագահի երկրորդ ժամկետում Օբամային ցանկանում են տեսնել նաև Հունաստանի բնակչության 45%-ը, և Լեհաստանի բնակչության 40%–ը։ 

Ըստ հետազոտությունների արդյունքների՝ Ռուսաստանի բնակչության 25%-ն է ցանկանում Օբամային տեսնել ԱՄՆ–ի նախագահի երկրորդ ժամկետում։  

Օբամայի վերընտրվելուն ամենից շատ կողմ են արտահարտվել Բրազիլիան (72%), Ճապոնիան (66%), իսկ ամենից շատ դեմ արտահայտվող երկրներն են՝ Եգիպտոսը (76%), Հորդանանը (73%) և Լիբանանը (62%)։  

Հիշեցնենք, որ ԱՄՆ–ի նախագահական ընտրություններն անցկացվելու են նոյեմբերի 6–ին։ Օբամայի հիմնական մրցակիցն ԱՄՆ–ի Հանրապետական կուսակցության թեկնածու, Մասաչուսեթսի նախկին նահանգապետ Միթ Ռոմնին է։ Ըստ ԱՄՆ–ում անցկացված հարցումների՝ Օբամայի վարկանիշն այժմ նշանակալիորեն բարձր է իր հնարավոր մրցակցի վարկանիշից։

Ըստ Gallup–ի հարցումների՝ Օբամայի վարկանիշը Ռոմնիի վարկանիշին գերազանցում է 1%–ով, (Բարաք Օբաման ունի 46%, Միթ Ռոմնին՝ 45%)։