ԱՄՆ–ը հետախուզական նպատակով Աֆրիկայում գաղտնի ավիաբազաների ցանց է ստեղծել. The Washington Post

ԱՄՆ–ը՝ Աֆրիկայում հետախուզական գործողութուններն ընդլայնելու նպատակով ավիաբազաների ցանց է ստեղծել ահաբեկիչներին հետևելու համար։ Այդ մասին նշված է The Washington Post պարբերականում հրապարակված հոդվածում։

Ինչպես նշված է պարբերականում, ԱՄՆ–ը ոչ մեծ ինքնաթիռներ է օգտագործում, որոնք հիմնականում օգտագործվում է ոչ-ռազմական նպատակներով։ Այդ ինքնաթիռներում զենք չկա։ Դրանցում տեղակայված է սենսորային համակարգ, որի շնորհիվ գրառվում են բոլոր տեղաշարժերը, այդ թվում՝ ինֆրակարմիր ճառագայթները, որսում է ռադիո և բջջային հեռախոսների ազդանշանները։ Դրանք հիմնականում գործում են ոչ թե անօդաչու սարքերի օգնությամբ, այլ հակառակը՝ թռիչքներն իրականացնում են օդաչուները։

Հիմնական գաղտնի ավիաբազան գտնվում է Բուրկինա Ֆասոյի մայրաքաղաք Ուագադուգու միջազգային օդանավակայանի ռազմաօդային ուժերի տարածքում։ Այդտեղից հետախուզական թռիչքներ են իրականացվում Մալիի, Մավրիտանիայի, ինչպես նաև Սահարայի մոտ գտնվող մի քանի հանրապետությունների օդային տարածքներով։

Ինչպես նշված է պարբերականում, 2007–ից Աֆրիկայում հետախուզական նշանակության մոտ 10 ավիաբազա է կառուցվել։ Պարբերականը հրապարակել է այդ ավիաբազաներն ընդգրկող քարտեզը։

ԱՄՆ–ի հետախուզական գործունեությունն Աֆրիկայում ուժեղացվել է վերջին ամիսների ընթացքում «Ալ–Կաիդայի» դեմ պայքարի շրջանակներում ձեռնարկված հատուկ գործողությունների ֆոնին։ Այդ գործողությունների համար պատասխանատվություն է կրում ԱՄՆ–ի զինուժը, այլ ոչ թե Կենտրոնական հետախուզական վարչությունը։ Այդ թվում ԿՀՎ–ը նույնպես ակտիվացրել է գործունեությունն Աֆրիկայում, թեև այն ավելի քիչ ռեսուրսների է տիրապետում այդ տարածաշրջանում, քան ԱՄՆ–ի զինուժը։