Սորոսի նախկին խորհրդականը Ճապոնիային սննկացում է կանխատեսում. Bloomberg

Ճապոնիայի տնտեսությունը 2017-ին կարող է սննկացման եզրին հայտնվել, եթե ներդրողները չհրաժարվեն ճապոնական արժույթով (յեն) իրենց ակտիվները պահելուց և չանցնեն ավելի ծանրակշիռ արժույթով ներդրումների։ Այդ մասին հայտարարել է միլիարդատեր Ջորջ Սորոսի նախկին խորհրդական՝ Տակեշի Փուձիմակին։ Ըստ նրա, դեֆոլտից հետո յենի արժեքը 5-6 անգամ կնվազի՝ հասնելով 400-500 փոխարժեքի 1 դոլարի դիմաց։ Միևնույն ժամանակ, 10 տարվա պարտատոմսերը 80%–ով կարժեզրկվեն։ Ֆուձիմակին ասել է, որ ինքն այժմ սկսել է դոլար գնել և իր խնայողությունը դոլարով է պահում, հաղորդում է Bloomberg–ը։

Ճապոնիայի պետական պարտքը ահռելի չափերի է հասել։ 2014-ին այն կկազմի ՀՆԱ–ի 245%–ը (1984–ին այն կազմել է 67.3%)։ Պետական պարտքն ամեն տարի աճում է, թեև Ճապոնիայի կառավարությունը հարկերը բարձրացնելու միջոցով բյուջեի դեֆիցիտը լրացնելու որոշումներ է ընդունում։ 

Ֆուձիմակին նշել է, որ Ճապոնիայի տնտեսությունը ճգնաժամից խուսափելու միջոցներ չունի։ Սորոսի նախկին խորհրդականի կարծիքով, Տոկիոն երկու ճանապարհ ունի՝ «լռությամբ ընդունել դեֆոլտը կամ հիպերինֆլացիայից խուսափելու համար ողջ հզորությամբ միացնել փող տպելու սարքը»։

Ճապոնիան ավելի քան 20 տարի է՝ կարճ դադարներով գտնվում է տնտեսական լճացման փուլում։ Կառավարությունը և Կենտրոնական բանկը տնտեսության հետագա աճի խթանմանն ուղղված մի շարք ծրագրեր են իրականացնում, որոնք մինչ այժմ որևէ դրական հետք չի թողել տնտեսության մեջ։