«Անգլիայի բանկը» եվրագոտին տնտեսական ճգնաժամից փրկելու նոր ծրագիր է առաջարկել. The Guardian

«Անգլիայի բանկ»–ի նախագահ Մերվին Քինգը Եվրոպայում ֆինանսա–տնտեսական ճգնաժամի հետ կապված օգնության և արտակարգ միջոցառումներ իրականացնելու վերաբերյալ հայտարարություն է արել։ Ակնկալվում է, որ Կենտրոնական բանկը կոնցեսիոն ֆինանսավորում կկատարի առևտրային բանկերին, որոնք էլ իրենց հերթին շուրջ 80 միլիարդ ֆունտ ստեռլինգ (100 միլիարդ եվրո) կհատկացնեն ազգային տնտեսություններին, գրում է The Guardian-ը։

Ավելի վաղ, ֆինանսների նախարար Ջորջ Օսբորնը հայտարարել է, որ Մեծ Բրիտանիային, (նաև ողջ Եվրոպային) սպառնում է Երկրորդ համաշխարհային պատերազմից հետո ամենավտանգավոր ֆինանսական ճգնաժամը։ Արդյունքում Կենտրոնական բանկը և ֆինանսների նախարարությունը բանկերը լուծարելու որոշում են ընդունել։

Բրիտանիայի Կենտրոնական բանկը մեկ ամիս ցածր դրույքաչափով 5 միլիարդ ֆունտ ստեռլինգ է տրամադրել վարկային կազմակերպություններին։ Այն պետք է ապահովի ֆինանսական համակարգում բանկերի իրացվելիության մշտական հոսքը և միևնույն ժամանակ երաշխավորի բանկերի վարկային հնարավորության բավարար մակարդակ։

Վերջին օրերին Եվրոպայի ֆինանսական շուկայում իրավիճակը զգալիորեն վատթարացել է։ 10 տարի ժամկետով տրամադրված Իսպանական պարտատոմսերի արժեքը տարեկան կտրվածքով 7% նվազել են, ինչը սովորաբար դեֆոլտի է հանգեցնում։ Միևնույն ժամանակ, Հունաստանում կայանալիք խորհրդարանական ընտրություններում կարող է հաղթանակ տանել «Սիրիզա» կուսակցությունը, որը կոշտ դիրքորոշում ունի Եվրամիության կողմից Հունաստանին ֆինանսական օգնություն տրամադրելու վերաբերյալ, ինչի պատճառով Հունաստանը կարող է դուրս մնալ ԵՄ–ի կազմից։ 

Ինչպես նշում է պարբերականը, 2008–ին Բրիտանիան աշխարհում ֆինանսական հատվածին օժանդակելու լայնածավալ ծրագիր է ընդունել, որի շրջանակներում պետությունը կես տրիլիոն ֆունտ ստեռլինգ է տրամադրել տնտեսությունը փրկելու համար և ազգայնացրել է մի քանի խոշոր բանկեր, այդ թվում Royal Bank of Scotland–ը։