Անտառում տեղադրված տեսախցիկն ու քաղաքական գործչի սեքսը. The Daily Telegraph

Ավստրիացի քաղաքական գործիչը 20 հազար եվրո փոխհատուցում կստանա՝ անտառում սեքսով զբաղվելու ժամանակ տեսախցիկի թիրախը դառնալու համար։ Դրա համար դատարանը պետք է վճիռ կայացնի, որ տեսագրությունը քաղաքական գործչի անձնական կյանք ներխուժել է նշանակում, գրում է The Daily Telegraph–ը։ 

Միջադեպը տեղի է ունեցել Ավստրիայի Կարինտիա նահանգի անտառներից մեկում։ Այնտեղ տեղադրված տեսախցիկները, որոնց օգնությամբ որսորդները և կենդանիների պաշտպանները հետևում են վայրի կենդանիներ կենսակերպին, «բռնացրել են» քաղաքական գործչին սեքսով զբաղվելիս հունիսի կեսերին։ Քաղաքական գործչի անունը չի հաղորդվում, իսկ տեսախցիկների ֆիքսած կադրերը չեն հրապարակվել։ Ինչպես նշում է պարբերականը, հայտնի չէ, թե քաղաքական գործիչը դատարան կդիմի՞ փոխհատուցում ստանալու պահանջով։

Որսորդների և վայրի կենդանիների պաշտպանների կազմակերպության փաստաբանը թերթին հայտնել է, որ միջադեպը տեղի է ունեցել անտառի հեռավոր և առանձնացված հատվածում, որտեղ մարդիկ իրավունք ունեն զբոսնել և ժամանակ անցկացնել։  

Տեղեկատվության պաշտպանության հարցերով զբաղվող Arge Daten ընկերության ղեկավարը հանդես է եկել քաղաքական գործչին աջակցելու պատրաստակամությամբ։ Ինչպես գրում է The Daily Telegraph–ը, նա հայտարարել է, որ անտառում տեսախցիկներ տեղադրելու համար որսորդները և կենդանիների պաշտպանները հատուկ թույլտվություն պետք է ձեռք բերեին, իսկ տեսախցիկները մարդկանց համար տեսանելի պետք է լինեն՝ նման տհաճ միջադեպերից խուսափելու համար։