Հայտնի է «Դեպի Եվրատեսիլ»-ի հաղթողի անունը (տեսանյութ)
Տեսանյութեր«Դեպի Եվրատեսիլ» նախագծի հաղթող ճանաչվեց երգիչ Սևակ Խանաղյանը «Քամի» երգով։
Նշենք, այսօր՝ փետրվարի 25-ին կայացավ «Դեպի Եվրատեսիլ» նախագծի եզրափակիչը։ Պայքարն ընթացավ 10 մասնակցի միջև և հայտնի դարձավ այն մասնակցի անունը, ով կներկայացնի Հայաստանը «Եվրատեսիլ-2018» երգի մրցույթում:
Հիշեցնենք՝ առաջին և երկրորդ կիսաեզրափակիչ փուլերում, միջազգային ժյուրիի և հեռուստադիտողների քվեարկության արդյունքում ելույթ ունեցած մասնակիցներից հաջորդ փուլ անցան` Մհերը, Ռոբերտ Քոլոյանը, Գևորգ Հարությունյանը, Լուսինե Մարդանյանը, «Նեմրա» ռոք-խումբը, Սևակ Խանաղյանը, Ամալյա Մարգարյանը, Կամիլ շոուն, Մարիամը և Հասմիկ Շիրոյանը:
Հավելենք, որ «Եվրատեսիլ-2018» երգի մրցույթն այս տարի անցկացվելու է Լիսաբոնում: Մրցույթին կմասնակցեն 42 երկրների ներկայացուցիչներ: «All Aboard» («Բոլորս դեպի տախտակամած») թեմատիկ նշանաբանի ներքո բոլորը հրավիրվում են Եվրոպայի երաժշտության տոնին:
Թվով 63-րդ մրցույթի մասնակից երկրների ցուցակում են Ռուսաստանը, Ալբանիան, Հայաստանը, Ավստրալիան, Ավստրիան, Իռլանդիան, Նորվեգիան, Լեհաստանը, Պորտուգալիան, Ռումինիան, Սան Մարինոն և այլ երկրներ:
«Եվրատեսիլ-2018»-ի եզրափակիչները կկայանան մայիսի 8-ին և 10-ին, եզրափակիչը՝ մայիսի 12-ին:
ՈՒՂԻՂ ԵԹԵՐ
Ամենադիտված 
Պատմական հաղթանակ․ Հայաստանը դարձավ աշխարհի առաջնության մեդալային հաշվարկի հաղթող
