Օրենքով գող «Հասանին» Կիևից Մոսկվա են արտաքսել

Ուկրաինական ծառայությունները երկրից արտաքսել են ռուսական քրեական հեղինակություն Զաուր Դոմբաևին, ով հայտնի է նաև որպես «Հասան»։

Նրան կասկածում են ծանր և առանձնապես ծանր հանցագործություններ իրականացրած հանցավոր խմբավորումների գործունեության հետ կապ ունենալու մեջ։

«Արտասահմանցին զարգացնում էր հանցավոր ավանդույթները, գաղափարները, հայացքները՝ նպատակ ունենալով հանցավոր գործունեության մեջ ներքաշել երիտասարդներին։ Նա նաև նյութապես օգնում էր դատապարտվածներին, ազատազրկման վայրերից ազատվածներին և ազդում էր նրանց վրա։ Սերտ կապեր ունի կազմակերպված հանցավոր խմբակցությունների առաջնորդների հետ, ինչպես նաև համակարգում և համաձայնեցնում է իր գործողությունները քրեածին միջավայրի ներկայացուցիչների և օրենքով գողերի հետ»,– ասվում է հաղորդագրության մեջ։

Դոմբաևը Չեչնիայից է։ Նրան բռնել են Վիշգորոդում։ Պետական միգրացիոն ծառայությունը երեք տարով արգելել է նրա մուտքը Ուկրաինա։ Դրանից հետո նրան Մոսկվա են արտաքսել։